Ամերիկյան զինվորականներին հաջողվել է հսկայական ջրապտույտ նկարահանել, որն առաջացել է Թեխաս եւ Օքլահոմա նահանգների սահմանին գտնվող Թեսկոմա լճում:
Ըստ Tulsa World-ի, ջրապտույտն առաջացել է զինվորների գործողություններից հետո, որոնք փորձել են մասամբ ցամաքեցնել լիճը, որը ջրհեղեղի արդյունքում դուրս է եկել ափերից:
Տեսանյութում երեւում է, թե ինչպես է լճի կենտրոնում առաջացած հսկայական ջրապտույտը քաշում շրջապատում գտնվող ամեն ինչ: Կադրից դուրս նկարահանողն ասում է, որ ջրապտույտն այնքան ուժեղ է, որ կարող էր մի ամբողջ նավ կլանել:
Informing-ի, փոխանցմամբ, ավերիչ հեղեղումներից խուսափելու համար ջրամբարների ցամաքեցումն Ամերիկայում նորություն չէ: Հավելենք, որ Թեքսոմա լիճն ԱՄՆ-ի խոշորագույն ջրամբարներից է, որը կառուցվել է 1943 թվականին, Ռեդ Ռիվեր գետի վրա ամբարտակի շինարարության ժամանակ:
