Tom's Guide պարբերականն առաջատար արտադրողների հանրահայտ սմարթֆոնների համեմատական թեստ է անցկացրել՝ պարզելու համար, թե նրանցից որն է ամենից արագը:
Հետազոտության մեջ ներառվել են Apple iPhone 6, Asus Zenfone 2, Google Nexus 6, HTC One M9, LG G4 եւ Samsung Galaxy S6 սմաթֆոնները:
Գաջեթներին մի քանի խնդիր է առաջադրվել. PDF ձեւաչափով մեծ ֆայլ ներբեռնել, բացել տեսախցիկի հավելվածը, ինչպես նաեւ «ծանր» խաղային գրաֆիկա մշակել:
Ըստ RG-ի, ուսումնասիրության հեղինակները, սովորական աղյուսակներից բացի, տեսագրություն են ներկայացրել, որում պատկերված է թեստավորման ընթացքը:
Tom's Guide-ի աշխատակիցները նաեւ փորձարկել են Wi-Fi-ի աշխատանքի արդյունավետությունը, տեսանյութերի խմբագրման արագությունն ու այլ չափորոշիչներ:
Փորձարկման արդյունքում վարկանիշը գլխավորել է Samsung Galaxy S6-ը: 2-րդ տեղում LG G4-ն է, 3-րդում՝ iPhone 6-ը: 4-րդ, 5-րդ եւ 6-րդ հորիզոնականները HTC-ի, Google-ի եւ Asus-ի սմարթֆոններն են: