Բաղրամյան պողոտայում իրավիճակը լարված չէ։ Այդ մասին NEWS.am-ի թղթակցի հետ զրույցում նշեց ԱԺ պատգամավոր Նիկոլ Փաշինյանը։
Նա նշեց, որ օրվա ընթացքում անընդհատ այցելել է Բաղրամյան պողոտա, եւ պետք է ուրախությամբ նշի, թե օրը լարված չէր, այսօր էլ լարված չէ՝ նկատի ունենալով ցուցարարների եւ ոստիկանների հարաբերությունները։
Անդրադառնալով այն հանգամանքին, որ քաղաքական գործիչներից եւ հայտնի անձանցից բաղկացած կենդանի պատի մասնակիցներն այս պահին չկան, նա նշեց, որ պատի մասնակիցները չեն ասել, որ 24 ժամ նստացույց են անում, այլ հայտարարել են, որ բռնությունը կանխարգելող քայլեր են կատարելու։ «Նրանք այստեղ են լինում ըստ անհրաժեշտության։ Երեկ լարված պահին հաշված րոպեների ընթացքում հարյուրավոր մարդիկ հավաքվեցին։ Այսպահին դրա անհրաժեշտությունը չկա»,- նկատեց Փաշինյանը՝ հավելելով, որ ոստիկաններից երաշխիք չի ստացել, իրավիճակի վերլուծություն է կատարել եւ հասկացել, որ ամեն ինչ խաղաղ է։