Հունաստանի իշխանությունները սպառնում են Եվրամիության դեմ բողոքով դիմել Եվրոպական դատարան, որպեսզի արգելեն եվրոգոտուց իրենց դուրս հանելն ու կանգնեցնեն բանկային համակարգի լճացումը, հայտնում է The Telegraph-ը։
«Հունաստանի կառավարությունը կօգտվի իր օրինական իրավունքներից։ Մենք խորհրդատվություն ենք անցկացնում Եվրոպական դատարան հայց ներկայացնելու շուրջ, քանի որ Եվրամիության պայմանագրերը չեն նախատեսում դուրս գալ եվրոգոտուց, եւ մենք հրաժարվում ենք դա անել։ Մեր անդամակցությունը սակարկության առարկա չէ»,-հայտարարել է Հունաստանի ֆինանսների նախարար Յանիս Վարուֆակիսը։
Հունաստանի հայտարարությունները արվում են եվրոգոտու անդամակցությունից Հունաստանին զրկելու մասին ԵՄ խոշոր տերությունների նախազգուշացումների ֆոնին, գրում է Gazeta-ն։
Եթե հուլիսի 5-ի հանրաքվեի ժամանակ հույները մերժեն տնտեսական բարեփոխումների ծրագիրը, Հունաստանը կկանգնի եվրոգոտուց դուրս գալու սպառնալիքի առջեւ։