Փարիզում կալանավորել են Uber-ի 2 ղեկավարի։ Այս մասին գրում է Le Monde-ն՝ վկայակոչելով իրավապահ մարմիններում իր աղբյուրները։

Uber France-ի գլխավոր տնօրեն Տիբո Սեմֆալը եւ Եվրոպայում Uber-ի ղեկավար Պիեռ Դիմիտրի Գոր Կոտին ձերբակալվել էին UberPOP  հավելվածի գործունեության հետաքննության շրջանակներում, գրում է Lenta-ն։

Հունիսի 29-ին Ֆրանսիայի ներքին գործերի նախարար Բերնար Կազնեւը հրամայել էր լրացուցիչ 200 ոստիկան հատկացնել Փարիզի տաքսիները ստուգելու համար։ Եթե կասկածներ էին առաջանում, որ վարորդը վճարովի ծառայություններ է մատուցում, բայց համապատասխան արտոնագիր չունի, մեքենան կալանքի տակ էր վերցվում, հայտնում է RFI-ն։