Հունաստանի բանկերի հազար մասնաճյուղ երեք օր շարունակ կսպասարկի բանկային քարտեր չունեցող թոշակառուներին։ Այս մասին հայտարարել է Հունաստանի ֆինանսներ նախարարությունը։
«Մինչեւ հուլիսի 1-ը դեբետային քարտեր չունեցող թոշակառուներին կսպասարկեն 1000 բանկային մասնաճյուղ։ Նրանք կարող են մասնաճյուղերում կանխիկացնել 120-ական եվրո եւ քարտ ստանալ, որպեսզի հետագայում կանխիկ գումարը հանեն բանկոմատից՝ պահպանելով օրական 60 եվրոյի սահմանը»,- փոխանցում է ՏԱՍՍ-ը։
Նշենք, որ ավելի վաղ Հունաստանի Ֆիննախը հայտարարել էր, որ մինչեւ հուլիսի 6-ը բոլոր բանկերը փակ են լինելու, իսկ բնակիչները բանկոմատից կարող են հանել օրական միայն 60 եվրո։ Այս սահմանափակումները դեռեւս չեն վերաբերում արտասահմանում ստացած դեբետ եւ կրեդիտ քարտերին։