Թուրքիայի նոր խորհրդարանում սկսվել է խոսնակի ընտրության գործընթացը։ Այս պաշտոնին հավակնում են տարբեր կուսակցությունների ներկայացուցիչներ։
Հունիսի 7-ին կայացած խորհրդարանական ընտրությունների արդյունքում Թուրքիայում հաղթանակ էր տարել Արդարություն եւ զարգացում կուսակցությունը, որը հավաքել էր ձայների 40.8 տոկոսը եւ խորհրդարանում կունենա 258 տեղ։ Այս կուսակցությունից իր թեկնածությունն առաջադրել է երկրի պաշտպանության նախարար Իսմեթ Յըլմազը, Ժողովրդա-հանրապետական կուսակցության անունից (132 տեղ)՝ Անթալիայի պատգամավոր Դենիզ Բայքալը, քրդական Ժողովուրդների դեմոկրատական կուսակցությունից (80 տեղ)՝ Մերսին Դենգիր Միր Մեհմեթ Ֆըրաթը, Ազգային շարժման անունից (80 տեղ)՝ Էքմելեդդին Իհսանօղլուն, գրում է «ՌԻԱ Նովոստի»-ն։
Թուրքիայի խորհրդարանում խոսնակի ընտրությունները ընթանում են փակ քվեարկությամբ։ Առաջին եւ երկրորդ փուլերում թեկնածուները պետք է հավաքեն ձայների 2/3-ը։ Եթե նման քանակ ոչ ոք չապահովի, չորեքշաբթի կկայանա 3-րդ եւ անհրաժեշտության դեպքում՝ 4-րդ փուլը։