Ֆրանսիայի հարավի 50-ամյա բնակչուհի Պատրիցիա Դահորնին մեղադրում են թունավորումներ իրականացնելու մեջ: Հատկանշական է, որ կնոջ ցանկում բացառապես տարեց տղամարդիկ են:
BBC-ի ռուսական ծառայության փոխանցմամբ, Լազուրե ափի բնակչուհին արդեն ազատազրկման մեջ է՝ 88-ամյա տղամարդու առեւանգման համար: Առայժմ Դահորնին մեղադրում են 4 սպանության մեջ, սակայն մեղադրանք կարող է առաջադրվել նաեւ մեկ մահվան դեպքի հետ կապված:
Հետաքննության տվյալներով, իր զոհերի հետ ֆրանսուհին ծանոթացել է ամուսնական գործակալությունների միջոցով: Ինքը՝ Դահորնը պնդում է, որ ոչնչում մեղավոր չէ: Նրա փաստաբանի խոսքով, կինը մեծացել է խորթ ընտանիքում, այդ պատճառով «տարեցների շրջապատում իրեն լավ է զգում»:
2013 թվականին Պատրիցիա Դահորնը 5 տարվա ազատազրկման է դատապարտվել՝ տարեց տղամարդու առեւանգման համար: