ՎիվաՍել-ՄՏՍ-ը տեղեկացնում է, որ երեկ ժամը 21:36-ին բջջային ցանցի ենթահամակարգերից մեկում տեղի ունեցած խափանումը բջջային ծառայություններից օգտվելիս ժամանակավոր դժվարություններ էր ստեղծել Երևանի, Արագածոտնի, Արմավիրի և Կոտայքի մարզերի բաժանորդների մի մասի համար:
ՎիվաՍել-ՄՏՍ-ի արագ արձագանքման խումբը ժամը 22:45-ին հայտնաբերել է խափանման պատճառը և վերականգնել համակարգի գործունեությունը:
Այդ ժամանակահատվածում ընկերության զանգերի կենտրոնը սովորականից մեծ թվով զանգեր է գրանցել:
Ներկայում բոլոր ծառայությունները վերականգնված են և հասանելի են պատշաճ որակով:
ՎիվաՍել-ՄՏՍ-ը հայցում է իր բաժանորդների ներողամտությունը՝ պատճառած անհանգստության համար:
