Բաղրամյան պողոտայում ցուցարարները թռուցիկներ են բաժանում:
Թռուցիկում, մասնավորապես, ասվում է.
«Էլեկտրաէներգիայի ապօրինի թանկացման դեմ բողոքը շարունակվում է:
Իշխանություններն ամեն միջոց գործադրում են ջլատելու ցուցարարների ուժերը:
Ուզում ենք հիշեցնել, որ հանրության երեք պահանջներից որեւէ մեկը չի կատարվել։
Այս իրավիճակում կենսական է դառնում հանրության ուժերի կենտրոնացումը։ Յուրաքանչյուրիս ֆիզիկական ներկայությունը շատ կարեւոր դեր կարող է ունենալ պայքարի հետագա զարգացման համար։
Հունիսի 29-ին ցուցարարների մի մասը ստեղծեց բաց աշխատանքային խմբեր, որոշվեց, որ Բաղրամյանում լինելու է շուրջօրյա հերթապահություն, տեղադրվելու է տեղեկատվական սեղանիկ, կազմակերպվելու են միջոցառումներ, համերգներ, մասնագիտական ելույթներ ու հանրային քննարկումներ։
Ինչ կարող ես անել դու.
Մասնակցել ամեն օր Բաղրամյանում 20։30 կազմակերպվող հանրային քննարկման
Միանալ աշխատանքային խմբերին կամ ստեղծել քո խումբը (խմբերի մասին տեղեկություն կարող ես ստանալ հանրային քննարկման ժամանակ)
Տարածել այս թռուցիկը
Տարածել տեղեկատվություն ֆեյսբուքով եւ այլ միջոցներով,
Մասնակցել շուրջօրյա նստացույցին, հերթապահել,
Կհանդիպենք Բաղրամյանում։