Ինդոնեզիայում «Հերկուլես» С-130 ռազմական օդանավի կործանման պատճառը ամենայն հավանականությամբ եղել է շարժիչի անսարքությունը։ Այս նախնական վարկածն առաջ է քաշել երկրի ՌՕՈւ պետ Ագուս Սուպրիատնան։
Նրա խոսքով՝ վթարից առաջ օդաչուն հայտնել է շարժիչի անսարքության մասին՝ թույլտվություն խնդրելով հետ վերադառնալ բազա։
«Օդանավը վայր է ընկել շրջադարձի ժամանակ, երբ փորձել է վերադառնալ օդանավակայան»,- հայտարարել է Սուպրիատնան, գրում է ՏԱՍՍ-ը։
Նրա հաղորդմամբ՝ օդանավում եղել է 17 զինծառայող։ Զոհերի հստակ քանակը դեռեւս չի հաղորդվում։
Ոստիկանությունն իր հերթին հայտնում է 50 զոհի մասին։
Հիշեցնենք, որ օդանավը վայր էր ընկել Մեդան քաղաքի հյուրանոցի վրա։
