Եմենում հակամարտության հետեւանքով մարտի վերջից առնվազն 279 երեխա է սպանվել, եւս 402-ը վիրավորվել: Այս մասին Ժնեւում հայտնել է ՄԱԿ-ի մանկական հիմնադրամի (ՅՈՒՆԻՍԵՖ) պաշտոնական ներկայացուցիչ Քրիստոֆ Բուլերաքը:
Նա հիշեցրել է կրակը դադարեցնելու մասին բոլոր կողմերին ուղղված ՄԱԿ-ի գլխավոր քարտուղարի կոչի մասին:
ՅՈՒՆԻՍԵՖ-ը նաեւ ուշադրություն է հրավիրում Եմենում առողջապահության ոլորտում առկա աղետալի վիճակի վրա, որի հետեւանքով սպառնալիքի տակ է միլիոնավոր երեխաների կյանքը:
ՅՈՒՆԻՍԵՖ-ի գնահատականներով, մինչեւ 5 տարեկան ավելի քան կես մլն երեխաների մոտ առաջիկա 12 ամիսներին կարող է զարգանալ թերսնման սուր տեսակ: