Մեծ Բրիտանիայի երկու բնակիչներ 40 տարի շարունակ միմյանց միեւնույն բացիկն են ուղարկել:
Ռոն եւ Ջեֆ անունով երկու եղբայրները որոշել են մի քիչ գումար տնտեսել շնորհավորական բացիկների համար, եւ 1973 թվականից ի վեր ծննդյան տարեդարձի առիթով միեւնույն բացիկն են ուղարկել միմյանց:
Ըստ Mirror-ի, չորս տասնամյակի ընթացքում բացիկը պատվել է եղբայրների շնորհավորական գրություններով:
Արդեն ավանդույթ դարձած այս ուղերձի լուսանկարը հրապարակվել է Imgur հայտնի ֆորումում: Informing-ի փոխանցմամբ, անանուն օգտատերն այն հրապարակել է եւ մակագրել. «Հայրս եւ հորեղբայրս այս բացիկը փոխանակել են 40 տարի շարունակ: Կարծում եմ՝ հրաշալի է»: