«Թալիբան» արմատական շարժումն իր վրա է վերցրել Աֆղանստանի մայրաքաղաք Քաբուլում ԱՄՆ դեսպանատան մոտ հունիսի 30-ին տեղի ունեցած պայթյունի պատասխանատվությունը: Այս մասին հաղորդում է «Ասոշեյթեդ Փրեսը»՝ վկայակոչելով իրենց ստացած հաղորդագրությունը:
Միջադեպը տեղի է ունեցել ԱՄՆ դեսպանատնից մոտ 500 մետր հեռավորության վրա, որտեղ մեծ բազմություն է կուտակված եղել: Ականատեսների խոսքով, պայթյուն իրականացրել է մահապարտ ահաբեկիչը, ընդ որումը նրա նպատակը եղել է ՆԱՏՕ-ի զինվորականների պահակախումբը: Մի քանի մեքենաներ վնասվել են, հաղորդում է «ՌԻԱ Նովոստին»:
Ահաբեկչության հետեւանքով զոհվել է մեկ, վիրավորվել՝ 19 խաղաղ բնակիչ:
