2016թ. Նյու Յորքի ներդրումային կոնֆերանսը Հայաստանի համար կլինի ամենախոշորը եւ ներկայացուցչականը։ Այս մասին հունիսի 30-ին՝ Երեւանում կայացած տնտեսական ֆորումի ժամանակ, հայտարարեց ՀՀ էկոնոմիկայի նախարար Կարեն Ճշմարիտյանը։
Կոնֆերանսին ներկայացված է լինելու ՀՀ տնտեսության ներուժը եւ գրավիչ ներդրումային նախագծերի վերլուծությունը, հավելեց նախարարը։ Կոնֆերանսը կկայանա Նյու Յորքում, սակայն մինչ այդ 7 խոշոր գործնական կենտրոններում՝ Լոս Անջելեսում, Բուենոս Այրեսում, Լոնդոնում, Մոսկվայում, Շանհայում, Հոնկոնգում, Դուբայում ցուցադրություններ կկայանան։
«Երկրի հաղորդակցման սահմանափակումները ուղղակի մեզ ստիպում են կանգ առնել մտավոր ներուժի վրա։ Եվ այստեղ հնարավոր է հաջողության հասնել»,- նշեց Ճշմարիտյանը։
