Հայաստանը կարող է ներդրումներ ներգրավել Եվրոպայից եւ ոչ միայն: Այս մասին հունիսի 30-ին Երեւանում կառավարության նախաձեռնությամբ անցկացված տնտեսական համաժողովի ժամանակ հայտարարեց Հայաստանի Էկոնոմիկայի նախարար Կարեն Ճշմարիտյանը:
Նրա խոսքով, ԵՏՄ-ին անդամակցությունը նոր հնարավորություններ է բացում: Հետագա գործողությունները կախված են բիզնեսի խելամիտ ռազմավարությունից:
«Հայաստանի ինտեգրումը նոր հնարավորություններ է բացում եվրոպական եւ այլ երկրների ձեռներեցների համար, որոնք, Հայաստանում ձեռնարկություններ բացելով, իրենց համար բացում են Եվրասիական միության շուկան: Եվ հակառակը, ԵՏՄ-ի ընկերությունները կկարողանան Հայաստանի միջոցով դուրս գալ Եվրամիության 500 միլիոնանոց շուկա, քանի որ ԵՄ-ն Հայաստանի վրա տարածեց GSP+ առեւտրի արտոնյալ ռեժիմը: Հայաստանն արտոնյալ ռեժիմ ունի նաեւ ԱՄՆ-ի, Կանադայի, Նորվեգիայի, Շվեյցարիայի, Ճապոնիայի հետ»,- հավելեց Ճշմարիտյանը:
Հայաստանի նախագահի՝ ԱՄՆ կատարած այցի ժամանակ էլ առեւտրի եւ ներդրումների զարգացման շրջանակային համաձայնագիր է ստորագրվել: