Հայաստանի նախագահը եւ էլեկտրականության թանկացման դեմ պայքարող ցուցարարները մեկ հարցում միաձայն են. շարժումը աջակցություն չի ստանում հակառուսական ուժերի կողմից։ Այս մասին գրում է ֆրանսիական Le Monde պարբերականը։ Հոդվածում մասնավորապես ասվում է. «Հունիսի 28-ից 29-ի գիշերը ցուցարարները ցրվեցին։ Մնացին միայն մի քանի հարյուր անհաշտներ, որոնք արդեն 11-րդ օրն է՝ չեն լքում էլեկտրականության թանկացման դեմ ցույցը։
Ցուցարարների ճնշման տակ իշխանությունը խոստացավ ժամանակավորապես իր վրա վերցնել սակագնի բարձրացման բեռը, մինչեւ ՀԷՑ-ում աուդիտ անցկացվի, որը կպարզի, թե որքանով է հիմնավոր սակագնի բարձրացումը։ Սակայն նախագահի խոստումը ակնհայտորեն ոչ բոլորին բավարարեց։
Շարժումը կազմակերպվել էր Facebook սոցիալական ցանցի միջոցով «Ոչ թալանին» շարժման կոչով, որը իրեն ապաքաղաքական շարժում է համարում։ Երեւանում կատարվածը սոցցանցերում Մայդանի հետ են համեմատում։
ՀՀ նախագահն ու ցուցարարները չեն ընդունում, որ շարժման հետեւում հակառուսական տրամադրություններ են կանգնած, իսկ Մոսկվան մեկ շաբաթ առաջ հայտարարել էր, որ իրավիճակը մոտ է հեղափոխության»։
