Հայաստանի ԿԳ նախարար Արմեն Աշոտյանը Facebook-ի իր էջում պատասխանել է հեռակա ընդունելության հետ կապված դիմորդներին հուզող հարցերին:
Նա մասնավորապես նշել է.
«ԲԱԿԱԼԱՎՐԻ կրթական ծրագրով հեռակա ուսուցման ընդունելության քննությունները կազմակերպում է տվյալ բուհը: Դիմորդին իրավունք է վերապահվում, պահպանել տվյալ տարվա կենտրոնացված եւ միասնական կարգով հանձնած քննական առարկա/ների գնահատականները:
Դիմորդների փաստաթղթերն ընդունվում են տվյալ տարվա օգոստոսի 10-ից մինչեւ սեպտեմբերի 20-ը: Փաստաթղթերի ընդունման ժամկետը կարող է երկարաձգվել ՀՀ ԿԳ նախարարի հրամանով: Քննություններն անցկացվում են սեպտեմբերի 25-ից մինչեւ հոկտեմբերի 20-ը:
ՄԱԳԻՍՏՐՈՍԻ կրթական ծրագրով հեռակա ուսուցման ընդունելության փաստաթղթերի ընդունելությունը եւ մրցույթն իրականացվում է յուրաքանչյուր ընթացիկ տարվա սեպտեմբեր-հոկտեմբեր ամիսներին:
ԱՍՊԻՐԱՆՏՈՒՐԱՅՈՒՄ ըստ մասնագիտությունների, պետության կողմից ուսանողական նպաստների ձեւով ուսման վարձի լրիվ փոխհատուցմամբ (անվճար) հեռակա ուսուցման ընդունելության տեղերի թիվը կազմում է 239 :
Փաստաթղթերի ընդունելությունն իրականացվում է սեպտեմբեր-հոկտեմբեր ամիսներին: Ընդունելության մասնագիտական քննություններն անցկացվում են յուրաքանչյուր ընթացիկ տարվա նոյեմբերի 1-10 ընկած ժամանակահատվածում»:
