Ամերիկյան Սպիտակ տանն էքսկուրսիայի մասնակցող զբոսաշրջիկներն արդեն կարող են շենքի ներսում լուսանկարել եւ դրանք տեղադրել սոցիալական ցանցերում Ավելի քան 40 տարի գործող արգելքը վերացնելու մասին հայտարարել է ԱՄՆ առաջին տիկին Միշել Օբաման՝ այդ մասին տեսաուղերձ հրապարակելով Instagram-ում:
«Եթե մասնակցել եք Սպիտակ տանն անցկացվող էքսկուրսիային, ապա, հավանաբար, տեսել եք այս նախազգուշացումը»,- ասել է Միշել Օբաման՝ ձեռքում արգելող ցուցանակը բռնած: «Հիմա այդպիսի արգելք այլեւս չկա»,- ժպիտով հավելել է նա:
ՏԱՍՍ-ի փոխանցմամբ, Սպիտակ տանն առայժմ որեւէ կերպ չեն բացատրել արգելքը վերացնելու որոշումը: Այցելուներին առաջարկվում է Սպիտակ տանն արած իրենց լուսանկարները համացանցում հրապարակել #WhiteHouseTour հեշթեգով: