Ռուսական պատվիրակությունն իր ամբողջ կազմով չի մասնակցի ԵԱՀԿ խորհրդարանական վեհաժողովի նստաշրջանին, որը պետք է տեղի ունենա Հելսինկիում, հուլիսի 5-9-ին: Այս մասին լրագրողներին հայտնել է Ռուսաստանի պետդումայի պատգամավոր Սերգեյ Նարիշկինը, որին ավելի վաղ Ֆինլանդիայի ԱԳՆ-ն հրաժարվել էր վիզա տրամադրել:
«Անթույլատրելի է նվազեցնել ՌԴ պատվիրակության ներկայացուցչության մակարդակը: ՌԴ պատվիրակությունն իր ամբողջ կազմով չի մասնակցի այդ նստաշրջանին»,-ասել է Նարիշկինը, հաղորդում է ՏԱՍՍ-ը: