Քաղաքացիները պետք է գան Բաղրամյան պողոտա, գիշերեն պողոտայում եւ պայքարեն մինչեւ վերջ: Այս մասին NEWS.am-ի թղթակցի հետ զրույցում ասել է դերասան Աշոտ Մելոյանը, որը կնոջ եւ երկու անչափահաս երեխաների հետ արդեն վեցերորդ օրն է՝ մասնակցում է էլեկտրաէներգիայի սակագնի բարձրացման դեմ անցկացվող նստացույցին:
«Ես ընտանիքիս հետ Բաղրամյան եմ գալիս ամեն օր, մինչեւ վերջ էլ գալու եմ ու պայքարելու: Կոչ եմ անում նաեւ մյուսներին, որպեսզի գան եւ կանգնեն այստեղ, որ ով ինչքան ուզի՝ չխփի: Շատ կարեւոր գործ են անում այստեղ գտնվողները, նստացույցին մասնակցողները, սա բոլորիս խնդիրն է եւ պետք է պայքարենք միասին»,-ասաց նա:
Լուսանկարները՝ Արսեն Սարգսյանի/NEWS.am
