Հունիսի 22-28-ն ընկած ժամանակահատվածում Երեւան քաղաքում ՃՈ ճանապարհպարեկային ծառայության 1-ին սպայական գումարտակի ծառայողների կողմից ՃՈ հատուկ պահպանվող տարածք է տեղափոխվել 137 տրանսպորտային միջոց:
Ոստիկանության մամուլի ծառայությունից հայտնում են, որ դրանցից մեկի վրա առանց համապատասխան թույլտվության տեղադրված է եղել գերհզոր հատուկ ձայնային ազդանշաններ արձակելու սարքավորում:
15 մեքենաների վարորդներ մեքենան վարել են ոչ սթափ վիճակում, իսկ 121 վարորդի նկատմամբ վարչական իրավախախտման վերաբերյալ արձանագրություն է կազմվել՝ համապատասխան փաստաթղթեր չունենալու եւ այլ խախտումների համար:
