Հունաստանի բնակչության մեծ մասը կողմ է միջազգային վարկատուների առաջարկած պայմանները ընդունելուն։ Այս մասին գրում է Bloomberg-ը՝ վկայակոչելով GPO –ի անցկացրած հարցումները։
Ներկա դրությամբ վարկատուներին զիջումների գնալուն կողմ է հարցվածների 47 տոկոսը, իսկ դեմ՝ 43 տոկոսը։
Հարցումն անց է կացվել հունիսի 30-ին հազար մարդու շրջանում։ Նշենք, որ դեռ անցյալ շաբաթ վարկատուների պայմաններին դեմ էր արտահայտվում հարցվածների կեսից ավելին, փոխանցում է BBC-ի Ռուսական ծառայությունը։
Հիշեցնենք, որ կիրակի Հունաստանում հանրաքվե է կայանալու, որի ժամանակ բնակիչները պետք է որոշեն, թե արժի արդյոք կրճատել պետական ծախսերը եւ զիջումների գնալ՝ ընդունելով վարկատուների պայմանները։
Այդ պայմաններից հրաժարվելու դեպքում Աթենքին դեֆոլտ է սպառնում, որը երկիրը կկանգնեցնի եվրոգոտին լքելու փաստի առջեւ։
Վարկատուները պահանջում են բարձրացնել թոշակային տարիքի շեմը եւ անցնել կոշտ տնտեսական քաղաքականության։