Գեղարքունիքի մարզից երեկ՝ հուլիսի 2-ին, այրվածքներով 5 հոգու են տեղափոխել հիվանդանոց: NEWS.am-ի տեղեկություններով՝ նրանցից 4-ը երեխաներ են, մեկը՝ մայրը, իսկ այրվածքները ստացել են Սեւանում՝ արեւի տակ շատ մնալու ու լողալու հետեւանքով: Բարեբախտաբար, երկու երեխաների վիճակը համեմատաբար լավ էր, ամբուլատոր բուժօգնություն են ստացել եւ հեռացել, բայց նրանց մյուս հարազատները՝ 7-ամյա եւ 12-ամյա երեխաները իրենց մոր հետ գտնվում են հիվանդանոցում: Արեւի տակ լողանալու համար նրանց մարմնի մակերեսի 20-25 տոկոսը այրվել է, փսխում են, ջերմություն ունեն, այնպես որ բժիշկներից ժամանակ կպահանջվի նրանց վիճակը կայունացնելու համար:
Նշենք, որ 12.00-17.00-ն խորհուրդ չի տրվում մնալ արեւի տակ, կամ եթե հարկադրված եք գտնվել արեւի տակ, ապա պետք է պաշտպանվել ուլտրամանուշակագույն ճառագայթներից: