ԵԱՀԿ Մինսկի խմբի նախկին ամերիկացի համանախագահ, Ադրբեջանում ԱՄՆ նախկին դեսպան Մեթյու Բրայզան եւ նրա ռուս գործընկեր Վասիլի Իստրատովը զրկվել են Թեյմուր Ահմեդովի անվան «AzNar» ՓԲԸ տնօրենների խորհրդում զբաղեցրած պաշտոններից։

Ինչպես փոխանցում է Turan-ը, այդ մասին համապատասխան որոշումը կայացվել է ընկերության բաժնետերերի ընդհանուր ժողովի ժամանակ։ Նշենք, որ ընկերության 99.94 տոկոս բաժնեմասերը պատկանում են ռուսաստանաբնակ ադրբեջանցի Ֆարհադ Ահմեդովին։

Ընդհանուր ժողովում որոշում էր կայացվել լուծարել տնօրենների խորհուրդը, որը, համաձայն օրենսդրության, կարող է չգործել այն ընկերություններում, որոնց հիմնադիրների քանակը 50 անձից պակաս է։