2015 թվականի առաջին կեսին ամբողջ աշխարհում առնվազն 71 լրագրող է զոհվել՝ կատարելով իր աշխատանքը, ինչը 7 տոկոսով գերազանցում է 2014-ի նույն ժամանակահատվածի ցուցանիշը: Այս մասին նշվում է Press Emblem Campaign (PEC) անկախ կազմակերպության (կենտրոնակայանը՝ Ժնեւում) զեկույցում, որը զբաղվում է լրագրողների անվտանգության հարցերով:
Առնվազն 40 լրագրող է զոհվել Ֆրանսիայում, Եմենում, Սիրիայում, Լիբիայում, Իրաքում եւ Ուկրաինայում ահաբեկչական հարձակումների կամ ռազմական գործողությունները լուսաբանելու ժամանակ:
13 լրագրող զոհ է գնացել քրեական հանցագործությունների, որոնք տեղի են ունեցել ոչ հակամարտությունների գոտում:
Առավել մեծ թվով լրագրողների զոհվել են Մերձավոր Արեւելքում եւ Հյուսիսային Աֆրիկայում. Վերջին կես տարում նրանց թիվը կազմել է 23: Այնուհետեւ հաջորդում է Լատինական Ամերիկան (17) եւ Եվրոպան (13):
Լրագրողների համար ամենավտանգավոր երկրների շարքում են Իրաքն ու Ֆրանսիան, որտեղ տարվա սկզբին իսլամիստները գնդակահարել էին երգիծական ամսագրի խմբագրության աշխատակազմին: Այդ երկրներում զոհվել է 8-ական լրագրող: Երրորդ տեղում Ուկրաինան է, որտեղ զոհված լրագրողների թիվը 4 է: