Գիտնականները 48 մլն տարեկան մողեսի մնացորդներ են հայտնաբերել, որը Corytophanidae ընտանիքի՝ գիտությանը հայտնի հնագույն տեսակն է եւ կարողացել է քայլել ջրի վրայով:
Corytophanidae-ի ժամանակակից տեսակների որոշ ներկայացուցիչներ ջրի վրայով քայլելու ունակության շնորհիվ Jesus lizard անունն են ստացել: Գիտնականների հայտնաբերած նոր տեսակը Babibasiliscus alxi անունն է ստացել:
Ըստ Gazeta-ի, մասնագետները հավաստում են, որ այս մողեսը գիշատիչ է եղել եւ փոքրիկ օձեր, ձկներ եւ միջատներ է որսացել: Հետազոտողները վստահ են, որ այս տեսակի հետազոտությունը գիտնականներին կօգնի ավելի լավ հասկանալ այդ կենդանիների զարգացման ուղին: