Մեծ ժողովրդականություն է ստացել համացանցում տեղադրված տեսանյութը, որտեղ Բրազիլիայում յուրահատուկ պատժի են ենթարկում իրավախախտ վարորդին, որն իր մեքենան թողել էր հաշմանդամների համար նախատեսված կայանատեղիում, հաղորդում է RG-ն:
Իրավախախտին «դաստիարակելու» համար տեղի ակտիվիստները պատժի տարօրինակ միջոցի են դիմել, նրանք ողջ ավտոմեքենյին կապույտ թերթիկներ են սոսնձել, իսկ սպիտակ թերթիկների օգնությամբ սայլակով հաշմանդամի նշան են պատկերել:
Տեսանյութն սկսվում է այն պահից, երբ վարորդը մոտենում է իր մեքենային եւ փորձում տասնյակ մարդկանց ծաղրական բացականչությունների ներքո պոկել կապւյտ թերթիկները:
Նա կարողանում է մաքրել միայն դիմապակու հատվածը եւ արագ հեռանում է «հանցագործության» վայրից:
Մեկ շաբաթում տեսանյութն ավելի քան 5 մլն դիտում է ունեցել: