Հռոմի քաղաքապետ Ինյացո Մարինոն վերջին մեկ շաբաթվա ընթացքում 2-րդ սպառնալիքն է ստացել։ Նրա տան մոտակայքում հայտնաբերվել էր սպանված աղավնի, որի կողքին՝ դատարկ պարկուճ, հայտնում է Ansa-ն։

Սրանից 5 օր առաջ Հռոմի օդանավակայանում ոստիկանները Մարինոյի հասցեին սպառնալիքներով ու փամփուշտով նամակ էին հայտնաբերել։ Իրավապահները խիստ հսկողություն են սահմանել նրա տան մոտակայքում, գրում է «ՌԻԱ Նովոստի»-ն։

Նշենք, որ օրերս 60-ամյա Ինյացիո Մարինոն շտապ կարգով հիվանդանոց է տեղափոխվել վատ ինքնազգացողության պատճառով։

Քաղաքապետի հանդեպ ուշադրությունը սեւեռվել էր այն բանից հետո, երբ հունիսի սկզբին Հռոմում հատուկ գործողությունների արդյունքում ձերբակալվել էին 44 մարդ, դրանց թվում՝ հայտնի քաղաքական գործիչներ ու գործարարներ։