Volvo ընկերությունը ներկայացրել է Lounge Console-ի ինտերիերի նոր տարբերակը, որի հիմքում նոր սերնդի XC90-ի սրահն է: Նոր տարբերակում առջեւի ուղեւորի նստատեղը փոխարինվել է մանկական հատուկ բազկաթոռով: Դրա տակ արկղն է, որում կարելի է, օրինակ, երեխայի խանձարուր դնել:
Դիզայներները կենտրոնացել են հատուկ մանկական բազկաթոռի ստեղծման ուղղությամբ, որի նպատակն է ցույց տալ, թե ապագայում ինչպիսին պետք է լինի երեխաների անվտանգ փոխադրումը:
Ըստ Motor-ի, Volvo-ում հույս ունեն, որ ապագայում այդպիսի բազկաթոռը կներառվի ինքնակառավարվող ավտոմեքենաներում: Շվեդական արտադրողը ներկայում ակտիվորեն աշխատում է ինքնակառավարվող մեքենաների մշակման ուղղությամբ: Փետրվարին հայտարարվեց, որ մինչեւ 2017 թվականը Volvo-ն կներկայացնի այդպիսի մեքենաների մինչեւ 100 թեստային նախատիպ:
