Նախկին ամերիկացի սենատոր (Վիրջինիա նահանգից) եւ ռազմական նավատորմի քարտուղար Ջիմ Ուեբը հայտարարել է ԱՄՆ նախագահի պաշտոնի համար իր թեկնածությունն առաջադրելու մասին: Այս մասին նշված է նրա պաշտոնական կայքում:
Ուեբը մտադիր է նախընտրական քարոզարշավի ընթացքում շեշտը դնել ամերիկացիների այնպիսի խնդիրների վրա, ինչպիսիք են կրթության հասանելիությունը, ազգային ենթակառուցվածքների վերականգնումը, ազգային անվտանգության մեծացումը, հաղորդում է Gazeta-ն:
«Քարոզաշրավի համար բավարար ֆինանսական աջակցության դեպքում ես չեմ կասկածում, որ մեզ կհաջողվի դնել այդ հարցերը եւ ստանալ ամերիկացի ժողովրդի աջակցությունը»,-ասել է Ուեբը:
Նախկին սենատորը ցանկանում է իր թեկնածությունն առաջադրել իր հայրենի դեմոկրատական կուսակցության կողմից, սակայն այստեղ այս պահին առաջատարը Հիլարի Քլինթոնն է: