Հունաստանի վարչապետ Ալեքսանդր Ցիպրասը իր երկրում կատարված իրադարձությունները համեմատել է «փոքր հեղափոխության» հետ: Ընդ որում հույներին ուղղած իր հեռուստաուղերձում նա հայտարարել է, որ երկրի իշխանությունները եվրոգոտուց դուրս գալու նպատակ չեն դնում, եւ ինքը խոստանում է վարկատուների հետ համաձայնության գալ, գրում է «ՌԻԱ Նովոստի»-ն:
«Մենք հանրաքվեից հետո 48 ժամվա ընթացքում համաձայնության կգանք: Բանկերը կբացվեն, հենց որ այդ համաձայնությունը լինի»,- հայտարարել է Ցիպրասը: Նրա խոսքով՝ ինքը պատրաստ է վարկատուներին փոխզիջման գնալ, սակայն համաձայնությունը պետք է ապահովի ֆինանսավորման պահանջները եւ պարունակի կետ այն մասին, որ երկրի պարտքն անթույլատրելի է:
Ցիպրասը նաեւ նշել է, որ պատրաստ է հարգել հանրաքվեի ցանկացած արդյունք:
