Կարմիր խաչի միջզգային կոմիտեի Բաքվի գրասենյակի ներկայացուցիչները հունիսի 30-ին այցելել են Ադրբեջանում գերության մեջ գտնվող ԼՂՀ քաղաքացի Արսեն Բաղդասարյանին: Ինչպես NEWS.am-ին հայտնեց ԿԽՄԿ երեւանյան պատվիրակության հաղորդակցության ծրագրերի ղեկավար Զառա Ամատունին, այցի ընթացքում քաղաքացուն ընտանեկան բնույթի տեղեկություն փոխանակելու հնարավորություն են տվել:

Նշենք, որ ակնհայտ շինծու գործի շրջանակներում Բաղդասարյանը մեղադրվում է  դիվերսիա իրականացնելու մեջ։ Արսեն Բաղդասարյանի գործը միջազգային հումանիտար իրավունքի խախտման ցայտուն օրինակ է, մեկուկես ամիս նրա մոտ չէին թողնում Կարմիր խաչի ներկակացուցիչները։ Բաղդասարյանը գերեւարվել է 2014թ. դեկտեմբերի 26-ին։