Անկարան ամրացնում է Սիրիայի հետ սահմանը, բայց մտադիր չէ մոտ ապագայում ռազմական գործողություն սկսել այդ երկրում: Այս մասին հայտարարել է Թուրքիայի վարչապետ Ահմեդ Դավութօղլուն:
«Դա ճիշտ է, որ մենք նախազգուշական միջոցառումներ են ձեռնարկել՝ պաշտպանելու համար մեր սահմանները: Եթե մեր անվտանգությանը վտանգ սպառնա հակառակ կողմից, համապատասխան հրաման կտրվի, բայց ոչ ոք չպետք է մտածի, որ Թուրքիան Սիրիա կներխուժի վաղը կամ մոտ ապագայում»,-հայտարարել է Դավութօղլուն Kanal 7 հեռուստաալիքին տված հարցազրույցում: հաղորդում է «ՌԻԱ նովոստին»:
Նշենք, որ ԻՊ-ի գրոհայինները հունիսի 25-ի առավոտյան Թուրքիայի կողմից ճեղքել են Քոբանիի պաշտպանությունը: Իսլամիստները գաղտնի մտել են քաղաք, իսկ նրանցից մեկը պայթեցրել է իրեն սահմանային անցակետի մոտ: Այնուհետեւ գրոհայինները կրակ են բացել Քոբանի քաղաքի կենտրոնում, որից հետո մարտ է սկսվել: Չնայած Անկարայի՝ հարեւան երկրի գործերին չմիջամտելու հավաստիացումներին, ահաբեկիչների մեծ մասը Սիրիայի տարածք է մտնում հենց Թուրքիայից: