Ամերիկյան Սան Ֆրանցիսկո քաղաքի տուրիստական ամենաբանուկ թաղամասերից մեկում երիտասարդ աղջկա են գնդակահարել, հաղորդում է ABC News-ը:
Հրաձգությունը տեղի է ունեցել հուլիսի 1-ի երեկոյան, երբ 31-ամյա Քեթրին Սթեյնլը երեկոյան հոր հետ զբոսնելիս է եղել ավկիանոսի ափին, որտեղ միշտ բազմաթիվ տուրիստներ են լինում:
Անհայտ անձը կրակել է աղջկա մարմնի վերին հատվածին ու դիմել փախուստի: Ականատեսներին հաջողվել է նկարահանել կրակոցի պահը, որտեղ երեւում է, որ պատահական անցորդները փորձել են տեղում օգնություն ցուցաբերել: Տուժածը տեղափոխվել է հիվանդանոց, որտեղ նույն օրը երեկոյան մահացել է:
Սան Ֆրանցիսկոյի ոստիկանությունը հայտարարում է, որ միջադեպի պահին դեպքի վայրում ավելի քան 20 մարդ է եղել եւ խնդրում ականատեսներին լուսանկարներ ու տեսանյութեր տրամադրել իրենց:
