Հայաստանը ցանկանում է, որ բարեկամական Ուկրաինայում հաղթի բանականությունը: Այս մասին հուլիսի 3-ին ՀՀ խորհրդարանում հայտարարեց ԱԺ փոխխոսնակ Էդուարդ Շարմազանովը՝ ամփոփելով հայ պատվիրակության՝ Բելառուս կատարած այցը, որի շրջանակներում հունիսի 29-ին հայկական կողմը մասնակցել էր հայ-բելառուսական միջխորհրդարանական բարեկամության խմբի նիստին:
Նա հիշեցրել է, որ Հայաստանը մեկ անգամ չէ, որ հաստատել է իրավիճակը բացառապես խաղաղ ճանապարհով կարգավորելուն հավատարիմ մնալու իր դիրքորոշումը: Երեւանն անհանգստացած է բարեկամական երկրի անկայուն վիճակով նաեւ այն պատճառով, որ Ուկրաինայում ապրում է մի քանի հարյուր հազար մարդուց բաղկացած հայկական համայնք: «Մենք հույս ենք հայտնել, որ Ուկրաինայում կհաղթի խաղաղությունն ու սթափ հաշվարկը, որ լույսը կհաղթի խավարին»,- ընդգծել է փոխխոսնակը:
