Վարորդներն այլեւս ստիպված չեն լինի վճարել հին ավտոմեքենաների գույքահարկը: Այս մասին այսօր`հուլիսի 3-ին լրագրողներին ասաց «Աքիլլես» ավտովարորդների իրավունքների պաշտպանության կենտրոնի իրավաբան Արմինե Մկրտչյանը` ներկայացնելով կառավարության նոր որոշումը:
«Գույքահարկի տուգանքները, որոնք սեփականատերերը այսօր ստանում են, կհամարվեն անվավեր: Կառավարության այս որոշումը հրապարակվել է 2015թ. հունիսի 25-ին, շուտով այն կմտնի օրինական ուժի մեջ, և հուսանք, որ վարորդներն այլևս խնդիրներ չեն ունենա այս հարցի հետ կապված»,- ասաց նա:
Իրավաբանի խոսքով` գույքահարկի տուգանքների խնդիրը մեծ դժգոհություն էր առաջացրել վարորդների շրջանում, քանի որ նախկինում վաճառված մեքենաների համար նրանք ամեն անգամ գույքահարկի տուգանքներ էին ստանում:
