ՀԷՑ-ի կողմից վիճարկվող գումարը «Գլենդել Հիլզ» ընկերության սպառած էլեկտրաէներգիայից չի գոյացել, ընկերության պարտքը չէ, հետևաբար՝ ընկերությունը ՀԷՑ-ի նկատմամբ պարտավորություն չունի: Այս մասին NEWS.am-ը տեղեկացավ ընկերության հանրության հետ կապերի և տեղեկատվության վարչություն
«ՀԷՑ»-ի կողմից վիճարկվող գումարը գոյացել է Գյումրիի Մուշ 2 թաղամասի բնակչության կողմից տևական ժամանակ էլեկտրաէներգիայի սպառումից։ ՀԷՑ-ի սխալմունքը տվյալ դեպքում պայմանավորված է այն հանգամանքով, որ բնակարանների սեփականության վկայականները համապատասխան մարմինների կողմից որոշակի ժամանակ անց են հանձնված եղել բնակչությանը և «ՀԷՑ»-ը որպես սեփականատեր ճանաչել է մեր ընկերությունը»,-ասված է նրանց պարզաբանման մեջ:
Ավելի վաղ հայտնել էինք, որ «Հայաստանի էլեկտրական ցանցեր» ընկերությունը դատի է տվել «Գլենդել Հիլզ» ՓԲ ընկերության դեմ՝ պահանջելով սնանկ ճանաչել: Այս մասին ՀԷՑ-ի լրատվական ծառայությունից մեզ հայտնել էին, որ «Գլենդել Հիլզն» ՀԷՑ-ին էլեկտրաէներգիայի դիմաց պարտք է շուրջ 138 մլն դրամ: Հայցը քննվում է Կենտրոն և Նորք-Մարաշ վարչական շրջանների ընդհանուր իրավասության դատարանում՝ դատաավոր Ալեքսեյ Սուքոյանի նախագահությամբ:
