Եթե ԵԽԽՎ զեկուցող Ռոբերտ Ուոլթերը կփոխի իր զեկույցի էությունը, անվանումն ու փիլիսոփայությունը, ուրեմն Լեռնային Ղարաբաղում անելիք չունի: Այս մասին հայտարարեց ԼՂՀ նախագահի մամուլի քարտուղար Դավիթ Բաբայանը՝ NEWS.am-ի թղթակցի խնդրանքով մեկնաբանելով ԵԽԽՎ-ում ադրբեջանական պատվիրակության ղեկավար Ս.Սեիդովի հայտարարությունը:
«Մենք արդեն հայտարարել ենք, որ սկզբունքորեն համագործակցության դեմ չենք, եթե Ուոլթերը փոխի իր զեկույցի էությունը, անվանումն ու փիլիսոփայությունը: Հակառակ դեպքում, նա այստեղ անելիք չունի»,- նշեց Դավիթ Բաբայանը:
Նա ընդգծեց, որ զեկույցը չափազանց միակողմանի բնույթ ունի: «Եթե զեկուցողը չփոխի մոտեցումը, կարող է պարզապես մեկնել Ադրբեջան եւ այնտեղ զեկույց պատրաստել, քանի որ զեկույցն այնտեղից ստացված թելադրանքով է գրվում»,- հավելեց Բաբայանը:
Հիշեցնենք, որ ավելի վաղ հայկական կողմը բացասաբար էր արձագանքել «Բռնության սրացում Լեռնային Ղարաբաղում եւ Ադրբեջանի գրավյալ այլ տարածքներում» անվանումով զեկույցի պատրաստմանը:
