ՌԴ Պետդումայում ԵՏՄ երիտասարդ առաջնորդների առաջին ֆորումի շրջանակներում Եվրասիական տնտեսական հանձնաժողովի կոլեգիայի անդամ Կարինե Մինասյանը պատմել է եվրասիական ինտեգրման պլանների եւ նվաճումների մասին:
Ինչպես -NEWS.am-ը տեղեկանում է ԵՏՀ մամուլի ծառայությունից, ֆորումին մասնակցել են ՌԴ Պետդումայի բոլոր խմբակցությունների պատգամավորները, բիզնեսի ներկայացուցիչներ, գիտական հասարակության, հասարակական կազմակերպությունների եւ ուսանողական շրջանակների անդամներ:
Ֆորումի նպատակը երիտասարդության շրջանում եվրասիական ինտեգրացիայի ժողովրդականացումն է:
ԵՏՀ կոլեգիայի անդամ, նախարար Կարինե Մինասյանը իր ելությում նշել է, որ ԵՏՄ հիմնական նվաճումներից մեկը անդամ երկրների իրավունքների հավասարության սկզբունքն է: «Դա հատկապես կարեւոր է տնտեսության փոքր ծավալներով եւ բնակչության քիչ թվաքանակով երկրների համար»,- վստահություն է հայտնել Կարինե Մինասյանը: