Երկբեւեռ աֆեկտիվ խանգարումը հոգեկան հիվանդություն է, որի ախտանշաններից են նորմալ վիճակի եւ դեպրեսիայի ու մոլագարության վիճակների հերթափոխությունը: Այդպիսի հիվանդների մոտ նաեւ քնի խանգարում է նկատվում:
Ըստ Zee News-ի, Փենսիլվանիայի համալսարանի մասնագետներն ուսումնասիրել են 216 մարդու տվյալներ: Փորձի սկզբում գիտնականները գնահատել են հարցվածների քնի որակը, ինչից հետո 2 տարի շարունակ հետեւել են նրանց պահվածքին եւ տրամադրությանը: Բացի այդ, մասնագետներն արձանագրել են հիվանդության ախտանշանների հաճախականությունը, ծանրությունն ու փոփոխականությունը:
Planet-today-ի փոխանցմամբ, կանանց շրջանում վատ քունը կապ է ունեցել դեպրեսիայի եւ ախտանշանների ծանրության հետ: Իսկ ահա ուժեղ սեռի ներկայացուցիչների տրամադրությունը կախված է եղել նյարդայնության արտահայտման մակարդակից: