Հայ պատգամավորները մանրամասն ուսումնասիրում են Բելառուսում էլեկտրաէներգիայի սակագների գնագոյացման փորձը: Այս մասին ասյօր՝ հուլիսի 3-ին, լրագրողներին հայտնել է ՀՅԴ խմբակցության պատգամավոր Արծվիկ Մինասյանը:
Հայկական պատվիրակության կազմում Մինասյանը ներկա է գտնվել Հայ-բելառուսական միջխորհրդարանական բարեկամության խմբի նիստին, որը կայացել է հունիսի 29-ին, Մինսկում:
Նրա խոսքով, նիստի ավարտին Բելառուսի պատգամավորները մանրամասն տվյալներ են փոխանցել իրենց երկրի էներգոհամակարգի եւ սակագների վերաբերյալ: «Այդ տվյալների ուսումնասիրությունը կօգնի մեզ ավելի լավ կողմնորոշվել սեփական երկրում ստեղված իրավիճակում»,-ընդգծել է ՀՅԴ խմբակցության պատգամավորը:
