ՌԴ Պետդուման 3-րդ ընթերցմամբ ընդունել է քաղաքացիների պահանջով համացանցում ոչ հավաստի տեղեկությունների հղումները մաքրելու մասին օրենքը, գրում է «ՌԻԱ Նովոստի»-ն։

Օրենքի համաձայն՝ քաղաքացին իրավունք ունի պահանջել հեռացնել իր մասին հրապարակված այն տեղեկությունների հղումները, որոնք իր կարծիքով չեն համապատասխանում  իրականությանը։ Սակայն նշվում է, որ օրենքը չի վերաբերում այն նյութերին, որոնցում քրեական գործողությունների եւ հանցագործությունների մասին տեղեկություն կա։

Եթե որոնման համակարգը հրաժարվի հեռացնել այդ տեղեկությունը, քաղաքացին կարող է դիմել դատարան։

Օրենքն ուժի մեջ կմտնի 2016 հունվարի 1-ից։