Հայաստանի ՏԿԱԻՆ-ում, հուլիսի 3-ին, ժամը 21.14-ին ահազանգ է ստացվել, որ Դիլիջան-Վանաձոր ավտոճանապարհին տեղի է ունեցել ավտովթար. անհրաժեշտ է փրկարարների օգնությունը:

Դեպքի վայր է մեկնել մեկ մարտական հաշվարկ:

Դեռեւս չբացահայտված հանգամանքներում Դիլիջան-Վանաձոր ավտոճանապարհի 12-րդ կմ-ում բախվել են «Օպել» մակնիշի 34 SV 283 համարանիշի (վարորդ 24-ամյա Ա. Ն.) եւ BMW մակնիշի 34 TM 111 համարանիշի ավտոմեքենաները:

Մինչ հրշեջ-փրկարարների կանչի վայր հասնելը «ԲՄՎ» մակնիշի ավտոմեքենայի վարորդը եւ ուղեւորները՝ 23-ամյա Կ. Ս.-ն, 44-ամյա Կ.Ս.-ն եւ 23-ամյա Յ. Ս.-ն տարբեր աստիճանի մարմնական վնասվածքներով հոսպիտալացվել են Դիլիջան քաղաքի ԲԿ:

Բժիշկները Յ. Ս.-ի առողջական վիճակը գնահատել են միջին ծանրության, իսկ Կ. Ս.-ինը եւ Կ. Ս.-ինը՝ բավարար:

Հրշեջ-փրկարարաները սահմանազատել են տարածքը: