Թունիսի ՆԳՆ-ն դեռեւս մայիսից տեղյակ էր Սուս քաղաքում պլանավորվող ահաբեկչության մասին, սակայն ոչինչ չէր ձեռնարկել։ Այս մասին Independent թերթին տված հարցազրույցի ժամանակ հայտարարել է Թունիսի անվտանգության ուժերի գործողությունների մոնիթորինգի կազմակերպության ղեկավար Վալիդ Զարուքը։
Նրա խոսքով՝ անվտանգության ուժերի աշխատակիցները գաղտնալսել են հարձակման ենթադրյալ կազմակերպիչների խոսակցությունը, որտեղ խոսք է եղել «մեքենա հրկիզելու» մասին, ինչը հարձակումը սկսելու ծածկաբառն է։ Այս խոսակցությունը գաղտնալսած սպան այդ մասին հայտնել էր Թունիսի ՆԳՆ-ին, սակայն նրանք որեւէ պատասխան քայլ չէին ձեռնարկել, փոխանցում է Gazeta-ն։
Ըստ Զարուքի՝ դրա պատճառը երկրի ուժային կառույցներում տիրող անարխիան է։
ՆԳՆ-ն հրաժարվել է մեկնաբանել այս տեղեկությունը։