Ռուսաստանն ու Արեւմուտքը նոր սառը պատերազմի իրավիճակում չեն։ Այս մասին գերմանական Deutsche Welle պարբերականին տված հարցազրույցում հայտարարել է ՆԱՏՕ-ի գլխավոր քարտուղար Յենս Սթոլթենբերգը։
«Մենք նոր սառը պատերազմի իրավիճակում չենք։ Այն ժամանակ կար Վարշավայի պակտը, կար ՆԱՏՕ-ն։ Դա գլոբալ խնդիր էր, դա երկու գաղափարախոսությունների բախում էր»,-փոխանցում է ՏԱՍՍ-ը։
Նա նշել է, որ իրավիճակը դրամայի վերածել եւ վտանգը չափազանցնել պետք չէ։ «Մենք անմիջական սպառնալիք չենք տեսնում, քանի որ ՆԱՏՕ-ն ամենահզոր պաշտպանական համակարգն է, որ երբեւէ եղել է։ Սակայն միաժամանակ մենք գործ ունենք իր ուժերին վստահ Ռուսաստանի հետ, որը խախտում է միջազգային իրավունքը»,-ասել է Սթոլթենբերգը։