Ռուսաստանում ԱՄՆ դեսպան Ջոն Թեֆթը հայտարարել է Կուբայի հետ հարաբերություններում նոր քաղաքականություն մտցնելու ամուր որոշման մասին։ Այս մասին հայտնում է «Ինտերֆաքս»-ը։
«Մեր նախագահը որոշել է Կուբայի հետ հարաբերությունների կարգավորման ուղղության վերցնել։ Նա շատ է ուզում կարգավորել հարաբերությունները կուբացիների հետ։ Նախագահը հստակ հայտարարել էր, որ հին քաղաքականությունն այլեւս չի գործում, եւ մենք փորձելու ենք վարել նորը»,- հայտարարել է դեսպանը։
Նշենք, որ Կուբայում ԱՄՆ դեսպանատունը բացվելու է հուլիսի 20-ին։