Հուլիսի 1-ին ԻԻՀ-ում ՀՀ դեսպան Արտաշես Թումանյանը հանդիպում ունեցավ ԻԻՀ ներդրումային, տնտեսական եւ տեխնիկական աջակցման պետական կազմակերպության նախագահ Մոհամմադ Խազայիի հետ:
Հանդիպման ընթացքում դեսպան Թումանյանն առանձնացրեց երկկողմ տնտեսական հարաբերություններում խոշոր ենթակառուցվածքային ծրագրերի եւ փոխադարձ ներդրումների իրականացման կարեւորությունը: ՀՀ դեսպանն անդրադարձ կատարեց նաեւ Թեհրանում նախատեսվող Հայաստան-Իրան բիզնես ֆորումի անցկացմանը:
Կազմակերպության նախագահ Խազային պատրաստակամություն հայտնեց աջակցել Հայաստանի եւ Իրանի միջեւ ներդրումային ծրագրերի իրականացմանը, ինչպես նաեւ առեւտրատնտեսական հարաբերությունների զարգացմանը: Նա ողջունեց բիզնես ֆորում կազմակերպու նախաձեռնությունը եւ նշեց, որ այն լավ հնարավորություն կընձեռի երկու երկրների ներդրողներին միմյանց հետ ծանոթանալու եւ Հայաստանի ու Իրանի օրենսդրություններին տեղեկանալու համար: