Թբիլիսիի կառավարական քարտուղարությունում կայացել է Կրոնի հարցերով Վրաստանի պետական գործակալության ու 11 համալսարանների ներկայացուցիչների հանդիպումը, որի ընթացքում կողմերը համագործակցության հուշագիր են ստորագրել։

Հանդիպման ժամանակ քննարկել են կրոնի շուրջ ակադեմիական եւ գիտական հետազոտություններ անցկացնելու անհրաժեշտությունը։ Որոշվել է ստեղծել Կրոնական քաղաքականության ուսումնասիրության պետական կենտրոն։ Այս նպատակով ստեղծվել է համակարգող խորհուրդ եւ կազմվել է աշխատանքային թեմաների ցուցակը, գրում է «Բլագոսվետ ինֆո»-ն։