Իրանը մտադիր է հրապարակել իր միջուկային ծրագրի շուրջ բանակցությունների ողջ ընթացքի վերաբերյալ նյութերը, բայց միայն այն դեպքում՝, եթե համաձայնագիր չկնքվի: Այս մասին Sputnik-ին հայտնել է բանակցություններին մոտ կանգնած աղբյուրը:
Աղբյուրի փոխանցմամբ, իրանական պատվիրակությունն այսօր՝ հուլիսի 4-ին, «վեցնյակի» ներկայացուցիչներին տեղեկացրել է, որ համաձայն չէ պատժամիջոցներն աստիճանաբար հանելուն եւ մտադիր է պահանջել, որ բոլոր սահմանափակումները հանվեն գործարքի կնքումից անմիջապես հետո:
Նշենք, որ Իրանի եւ «վեցնյակի» (Մեծ Բրիտանիա, Գերմանիա, Չինաստան, Ֆրանսիա, Ռուսաստան, ԱՄՆ) միջեւ նախկինում ձեռքբերված պայմանավորվածությունների համաձայն, ամփոփիչ փաստաթուղթը պետք է պատրաստ լիներ հունիսի 30-ին, սակայն Վիեննայում հերթական բանակցությունների ժամանակ որոշվել այդ ժամկետը հետաձգել մինչեւ հուլիսի 7-ը:
